بقلم/لطيفة عمر
مديت لك كف حشا محدٍ ينازعها
واهديت لك روح منهيه وماموره
واشواقي اللي لك عضت أصابعها
تنعي غبنها مكسوره ومقهوره
يوم الموادع يوم إنك توادعها
مهمش الحب والأشواق محظورة
يومك تخليت عرفت إنك بايعها
الصد صوره يعطي للهجر صوره
وهديت دارٍ سكنتك مرابعها
وصرح الهوى طاح لا بابه ولا سوره
خذ المشاعر طلبتك لا ترجعها
ماعاد فيني الطيش الحب وغروره
أشواقي جاتك وارخت لك مسامعها
والحب لاجلك شب الجوف تنوره
حشود في الصدر تطبع لك مطابعها
تذاكر الشوق ماطبعت لبو نوره
مجموعة إحساس يجيك الوله تابعها
لا لامست قلب مولع يفقد شعوره
ياصاحبي نار صدك لا تولعها
يكفيني نار الهوى وحره وجوره
شف نجمة الشوق لي عامٍ اطالعها
ماحررت ليل لي من ظلم ديجوره
وحروف أحبك من أولها لارابعها
حروف في الجوف مكتوبه ومحفورة
ومشاعر الشوق إلى سابع سابعها
تدور في الصدر وتاخذ في الحشا دوره
وإن قلت أحبك ابيك بحساس تسمعها
إحساس اللي يولد في الحشا ثورة
+ أضف تعليق