عبدالله البطيّان
منهو يشاركني يعيد اعيادي
ذكرى تصادف عيدي بميلادي
ويجدد أفراحي ويعلن حبه
لعبدالله لبطيان ولأمجادي
يرفع لقاموس الشعور اوراده
ويسمو معي في عالمي يزدادي
وينعش ملايكة الخواطر بسمي
ويشارك الإحساس مية نادي
وأكون له وافي مثل ما وفى
طبعي وفي مع اهلي واندادي
وانا اللي يكفيني شهادة طيبي
وسلومي اللي انسجتها اجدادي
رغم الملامح ماخذه من أرضي
أرض الحسا وآنه السعودي الفادي
مثلي مثل كل ربعي وخلاني
يفدون هالأرض ونصد العادي
يا مشاركي ابشر بصدق النيه
وابشر بلا خذلان ياللي غادي
في وسط جوفي تسكن مشاركتك
وامشي بها العالم بصدر ٍ بادي
سبعة وثلاثين الطويله جتني
وآنه اللي طلت الخير من ميعادي
ربي يحفظ اهلي وكل اصحابي
واحبابي الغالين ويّا اولادي
كل القلوب اللي تبادر تكتب
تبدي مشاعرها وتعد اعدادي
أفرح بكم وأشارك بأفراحي
وكل الخلايق تبتهج فـ بلادي
عبدالله البطيّان
٢٧ محرم ١٤٤١هـ
٢٦ سبتمبر ٢٠١٩م
+ أضف تعليق