عبدالرحمن الحمدان
ويـن الـرفـيــق اللي ثـقـيــلٍ مـرازه
نفسه صغيـره والعقـل عقل شايب
تـبـحـث خـفـاه لـيـا بعـيـدٍ محـازه
صبور .. معروفٍ بـسـتـر المعـايـب
قـلـبـه نـظـيــف ولابـصــدره حــزازه
يكرمـك مـوجـودٍ ويـحـفـظـك غـايـب
ويَعَرْفِك بوجهك لـيـا اعـتـزت عـازه
قــريـب لا حـلَّـت عـلـيــك الـنــوايـب
قـوي بـاس لـيــا بـغـى شـي حــازه
لـيِّــن جـنــابـه لـلـــربـع والـقـــرايـب
واليا سـعى بامـرٍ .. سريـعٍ نجـازه
يجيـك خـيـره مـثـل وبل السـحـايب
وان قلت تكفـى ماتـشـوف اهـتـزازه
يقبل على الصـعـبات ماهـو بهـايب
مـاقــال مـن جــازاك .. بالمـثــل جـازه
يـدمـح خـطـاك ولا يعــرف الـطـلايـب
هـذا انـقـطــع ماعــاد تـلــقى طــرازه
مدفون مبطي بـيـن عـوج الـنصـايب
إلا الـقـلـيــل اللي تـشـــوف اعـتــزازه
بالطيب .. جاه الطيب ورث او وهايب
عبدالرحمن الحمدان
+ أضف تعليق