بقلم... عبدﷲ البطيان

كورونا

تعلينا الى إن جابنا المضمون
بـ كورونا نعيد أطباعنا ونقرا

سلوك الناس تتغير وشفنا شلون
سلام عيون أصبح بينا يجرا

ولا عاد المصافح فـ الوصل بيكون
من بعيد اللقا.. صار الأثر يبرا

يلامسنا الظما وبصدرنا مخزون
عواطنا اتهافت ما ارتوت صحرا

بعد ما الظرف حول شخصنا مجنون
سبب هالأوبئة اللي جاتنا تترا

جرعنا الويل ونشوف البشر يبلون
من الجهال تتهاون على المسرا

وصرنا بالمسافه نحسب المكنون
عسى نسلم وتبقى اجسادنا برا

بلا كورونا لكن كيف تبقى عيون
تشاهد هالمناظر ترتقب (أمره)